每個新手都可能會有同一個問題: 首抽邊隻好!? 正所謂要"嬴在起跑線",我地就同大家推介一下現有抽到的角色入面有邊幾隻值得用黎作為開局首抽:
1. 4星阿龍 [ブチ切れアーロン 鮫(シャ-ク)・ON・歯車(トゥース)]
4星阿龍可以算係首選,本身血量同攻擊都係數一數二高 (20LV 已經
1053血同959攻!!),而且船長技能係"斬擊系角色攻擊2倍",用佢做尾刀閒閒地都成萬血。所以只要加埋朋友隻4星阿龍(4倍斬擊系攻擊加成!!!),暫時好多關卡都可以輕鬆輾過!
唯一可以挑剔既地方就係佢無得再進化去5星,但係對新手黎講已經係一個強大既即時戰力。技能方面係單體15倍攻擊,CD
比較長,因為本身攻擊力高所以打出黎既數字都可觀。
優點: 初始能力高, 船長技能強勁
缺點: 不能進化至5星, Perfect
時間有點難掌握
2. 4星艾斯[ポートガス・D・エース]
艾斯絕對係人氣角色,就算唔打得都睇到下,而且佢重可以進化去5星,潛力頗大!
唯一問題就係屬於晚成型既佢初始能力比較一般,比較難成為即時戰力,而且到底幾時先會有得進化到5星暫時都係一個迷。雖然係咁,我地相信對佢有愛既新手仍然好想刷到佢。船長技能為"速屬性角色攻擊2倍",都算得上係實用技能,加上朋友的艾斯可組成單色4倍隊,配上山治、百計克洛、角強化索柏,已經係一隊好強的速屬性隊!
技能方面係單體25倍攻擊,CD
比較長,因為本身攻擊力不高所以要將角色等級升到後期,傷害數字先比較可觀。
優點:人氣角色,能進化至5星,可組成單色4倍隊
缺點: 初始能力低
3. 4星紅髮 [シャンクス]
四皇之一既紅髮撒古斯同艾斯好相似,又係可以進化去5星,但係初始能力一般。佢比艾斯優勝之處係佢係心屬性,即係話佢既攻擊唔會因為屬性相剋而傷害減半。船長技能為"心屬性角色攻擊2倍",加上朋友的紅髮可組成單色4倍隊,但係暫時強勁的心屬性角色比較少,所以相對地實用性唔算太高!
技能方面係全體15倍攻擊,因為本身攻擊力不高所以要將角色等級升到後期,傷害數字先比較可觀。
優點:心屬性攻擊不會因屬性相剋而傷害減半, 能進化至5星,
可組成單色4倍隊
缺點: 初始能力低, 心屬性隊員較弱
4. 4星收薇薇公主 [ネフェルタリ・ビビ ]
薇薇公主平均能力比較低,但係佢既最大亮點係隊長技能: "回合終了自動回復自身回復力3倍的血量"。以暫時關卡來說,就算以LV1 回復力 (183 x 3 = 549) 每回合可回復 549 血都應該卓卓有餘。朋友方面建議配合高攻的阿龍以彌補平均能力低的弱點。
優點: 隊長技能實用, 女角色“ψ(`∇´)ψ
缺點: 平均能力低
5. 4星鐵棒亞比達 [金棒のアルビダ スベスベの実]
亞比達初始能力算中上,而佢既亮點係主動技能: "一回合所受傷害減少80%",即係一回合內所有敵人攻擊都減少80%,BOSS
戰或是對大傷害敵人由其有用!
船長技能為"受力屬性傷害減少50%",由於只能夠減少一種屬性傷害,除非關卡有大量高傷害的力屬性敵人,否則實用性不太高。所以亞比達是隊員好選擇之一。
優點: 初始能力中上, 主動技能實用, 女角色“ψ(`∇´)ψ
缺點: 不能進化至5星
總結:
其實依隻 FANS 向的遊戲有時唔一定要抽實用角色,只要有愛就大過天。可能有朋友會問點解唔推介草帽團的4星人,原因係隨住主線故事的進行,
3星草帽團成員會自動加入。而且暫時同一個角色只可以出擊一個,即係話唔可以同時出兩個4星卓洛,所以我地唔推介大家以草帽團做首抽。依一篇係我地第一篇心得文章,
希望幫到大家亦都希望大家多多支持,最後希望大家會抽到自己心儀的角色!!!